വിനയ് ഗോവിന്ദിൻ്റെ സംവിധാന മികവിൽ ഒരുങ്ങിയ ഏറ്റവും പുതിയ മലയാള സിനിമയാണ് Get Set Baby. ഉണ്ണി മുകുന്ദനും നിഖില വിമലും പ്രധാന കഥാപാത്രങ്ങളെ അവതരിപ്പിക്കുന്ന ഈ ചിത്രം ഫെബ്രുവരി 21ന് തീയേറ്ററുകളിൽ പ്രദർശനം ആരംഭിച്ചു. ഹാസ്യവും, പ്രണയവും, കുടുംബ ബന്ധങ്ങളും ചേരുന്ന ഒരു ഫീൽ-ഗുഡ് എന്റർടൈനർ എന്ന നിലയിൽ ഈ ചിത്രം പ്രേക്ഷകരിൽ മിശ്ര പ്രതികരണങ്ങളാണ് നേടിയത്.
അർജുൻ ബാലകൃഷ്ണൻ (ഉണ്ണി മുകുന്ദൻ) എന്ന ആത്മ സംതൃപ്തനായ യുവാവിനെയും, അവന്റെ ജീവിതത്തിലുണ്ടാകുന്ന വ്യത്യസ്ത ദിശയിലുള്ള മാറ്റങ്ങളെയും കുറിച്ചാണ് കഥ പറയുന്നത്. സ്വാതി എന്ന കരുത്തുറ്റ വനിതയായാണ് നിഖില വിമൽ, കഥയിൽ പ്രധാന കഥാപാത്രമായി എത്തുന്നത്. ജീവിതത്തിൽ മാനസികമായി ഒരുപാട് വളരേണ്ടി വരുന്ന അർജുന്റെ യാത്രയാണ് സിനിമയിൽ ആവിഷ്കരിച്ചിരിക്കുന്നത്.
നടൻ ഉണ്ണി മുകുന്ദൻ തന്റെ പതിവ് ശൈലിയിൽ മനോഹരമായി അർജുനെ അവതരിപ്പിച്ചിരിക്കുന്നു. എങ്കിലും ചില ഭാഗങ്ങളിൽ അദ്ദേഹത്തിന്റെ പ്രകടനം കൂടുതൽ ശക്തമാക്കാമായിരുന്നു എന്നതാണ് ചില നിരൂപകർക്കുള്ള അഭിപ്രായം. നിഖില വിമൽ തന്റെ ഭാവപകർച്ചയും സ്വാഭാവികതയും കൊണ്ട് ശ്രദ്ധേയമാണ്. കൂടാതെ കോമഡി ടച്ചും കുടുംബബന്ധങ്ങളുമാണ് സിനിമയെ കൂടുതൽ ആകർഷകമാക്കുന്നത്.
സിനിമയെക്കുറിച്ച് മിശ്ര പ്രതികരണമാണെങ്കിലും, കുടുംബ പ്രേക്ഷകർക്ക് ഒരു സൗമ്യമായ പ്രണയകഥ എന്ന നിലയിൽ Get Set Baby ആസ്വദിക്കാൻ കഴിയും. സംഗീതം ശാൻ റഹ്മാന്റെ വരദാനമാണ്, ആസ്വാദ്യമായ ഗാനങ്ങൾ സിനിമയെ കൂടുതൽ ഹൃദയസ്പർശിയായി മാറ്റുന്നു. ചിത്രത്തിന്റെ ക്യാമറാ വർക്കുകകളും വിഷ്വൽ ട്രീറ്റുകളും മികവോടെ അവതരിപ്പിച്ചിരിക്കുന്നു.
The Indian Express ചിത്രത്തിന്റെ കഥയുടെ പഴകിയ ഘടനയെ വിമർശിച്ചപ്പോൾ, The Times of India ഈ സിനിമയെ ഒരു "Feel-Good" എന്റർടൈനറായാണ് വിശേഷിപ്പിച്ചത്. കുടുംബ സിനിമകളെ ഇഷ്ടപ്പെടുന്ന പ്രേക്ഷകർക്ക് Get Set Baby ഒരു മികച്ച ഓപ്ഷൻ ആകുമെന്നും അവർ അഭിപ്രായപ്പെട്ടു.മൊത്തത്തിൽ Get Set Baby ഒരു കുടുംബവുമായും സുഹൃത്തുക്കളുമായും കണ്ടു രസിക്കാവുന്ന സിനിമയാണ്.!
OTT റിലീസ് സംബന്ധിച്ച് ഇതുവരെ ഔദ്യോഗിക സ്ഥിതീകരണം വന്നിട്ടില്ല. എന്നാൽ മലയാള സിനിമകളുടെ സാധാരണ റിലീസ് ട്രെൻഡ് അനുസരിച്ച് Get Set Baby ഏപ്രിൽ മാസം വിഷു, ഈസ്റ്റർ ആഘോഷങ്ങൾക്ക് ഒടിടി പ്ലാറ്റ്ഫോമുകളിൽ ലഭ്യമാകുമെന്നാണ് പ്രതീക്ഷ. എന്നാൽ ഔദ്യോഗിക പ്രഖ്യാപനം വരേണ്ടതുണ്ട്.